25 April 2017, Tuesday

നിയമസഭാ തെരഞ്ഞെടുപ്പ്

വേണം നമുക്കൊരു പുതുകേരളം; മതനിരപേക്ഷ അഴിമതിരഹിത വികസിത കേരളം: എൽഡിഎഫ് തെരഞ്ഞെടുപ്പു മാനിഫെസ്റ്റോ 2016

LDF Election Manifesto 2016

വേണം നമുക്കൊരു പുതുകേരളം. അഭ്യസ്‌തവിദ്യരായ യുവ തലമുറയുടെ പ്രതീക്ഷകള്‍ക്ക്‌ അനുസരിച്ചുള്ള തൊഴിലവസരങ്ങള്‍ ഉറപ്പ്‌ നല്‍കുന്ന സംസ്ഥാനമാവണം കേരളം. അതിനായി പുതിയ വ്യവസായങ്ങളും ആധുനിക കൃഷിയും അതിവേഗത്തില്‍ വളരണം. പക്ഷെ അതോടൊപ്പം ഇന്ന്‌ നമ്മുടെ പരമ്പരാഗത മേഖലകളില്‍ പണിയെടുക്കുന്ന തൊഴിലാളികള്‍ക്ക്‌ സമ്പൂര്‍ണ്ണ- സാമൂഹ്യ-സുരക്ഷിതത്വം ഉറപ്പുവരുത്തണം. കേരളത്തിലെ മതനിരപേക്ഷ, ജനാധിപത്യ പൗരബോധത്തിന്റെ അടിത്തറയായ പൊതുവിദ്യാഭ്യാസാദി പൊതുസംവിധാനങ്ങള്‍ സംരക്ഷിക്കുകയും ഗുണനിലവാരം ഉയര്‍ത്തുകയും വേണം. അഴിമതിയും കെടുകാര്യസ്ഥതയും ഇല്ലാതാകണം. മതനിരപേക്ഷ കേരളം, അഴിമതിരഹിത കേരളം, വികസിത കേരളം ഇവയാണ്‌ നമ്മുടെ മുദ്രാവാക്യങ്ങള്‍.

യു.ഡി.‌എഫിന്റെ സാങ്കേതികവിജയം ഭരണത്തെ ദുഷ്കരമാക്കും

ജനവിധി അംഗീകരിച്ച് പ്രതിപക്ഷത്ത് ഇരിക്കുമെന്ന് വി എസ് അച്യുതാനന്ദനും കുതിരക്കച്ചവടത്തിന് ഇല്ലെന്ന് പിണറായി വിജയനും വ്യക്തമാക്കിയതുകൊണ്ടാണ് യുഡിഎഫിന് മന്ത്രിസഭ രൂപീകരിക്കാന്‍ കഴിയുന്നത്. നേരിയ ഭൂരിപക്ഷവും ജനവിരുദ്ധതാല്‍പ്പര്യവും യുഡിഎഫിന്റെ ഭരണ നാളുകളെ പ്രതിസന്ധിയിലാക്കും. 72 സീറ്റ് യുഡിഎഫ് നേടിയെങ്കിലും 68 സീറ്റുമായി എല്‍ഡിഎഫ് ശക്തമായ പ്രതിപക്ഷമായി നിയമസഭയിലുണ്ടാകും. 72 എംഎല്‍എമാരില്‍ ഒരാള്‍ സ്പീക്കറാകും. അപ്പോള്‍ യുഡിഎഫ്ബഞ്ചില്‍ 71 പേര്‍ . അതിനര്‍ഥം സര്‍ക്കാരിന് പിടിച്ചുനില്‍ക്കാന്‍ സ്പീക്കറുടെ കാസ്റ്റിംഗ് വോട്ടിനെ പലപ്പോഴും ആശ്രയിക്കണം എന്നതാണ്. ഒന്നോ രണ്ടോ എംഎല്‍എമാര്‍പോലും പിണങ്ങാതിരിക്കാന്‍ സമ്മര്‍ദങ്ങള്‍ക്ക് സര്‍ക്കാര്‍ കീഴ്പ്പെടണം.

Subscribe to RSS - നിയമസഭാ തെരഞ്ഞെടുപ്പ്