പാര്‍ട്ടി വളര്‍ത്തിയ, പാര്‍ട്ടിക്കൊപ്പം വളര്‍ന്ന സ്റ്റീഫന്‍; അരുവിക്കരയില്‍ പുതുചരിത്രമെഴുതും

പാര്‍ട്ടി വളര്‍ത്തിയ, പാര്‍ട്ടിക്കൊപ്പം വളര്‍ന്ന സ്റ്റീഫന്‍; അരുവിക്കരയില്‍ പുതുചരിത്രമെഴുതും

ഒരു കമ്മ്യൂണിസ്റ്റുകാരൻ ജലത്തിൽ മത്സ്യമെന്ന പോലെയാകണമെന്നത് സ. മാവോയുടെ വാക്കുകളാണ്. സ. സ്റ്റീഫനെ പോലുള്ളവരിലൂടെയാണ് ആ വാക്കുകൾക്ക് ജീവൻ കൈവരുന്നത്

സി പി ഐ ( എം ) കാട്ടാക്കട ഏര്യാ കമ്മിറ്റിയുടെ അമരക്കാരനായ സ. ജി. സ്റ്റീഫൻ പാർട്ടി ഏൽപ്പിക്കുന്ന വലിയൊരു ഉത്തരവാദിത്വം കൂടി ഏറ്റെടുക്കുകയാണ്. നിയമസഭാ തെരഞ്ഞെടുപ്പിലെ ഒരു സ്ഥാനാർത്ഥിയായി പാർട്ടി സഖാവിനെ പരിഗണിക്കുമ്പോൾ, അത്‌ ഈ പാർട്ടിക്ക്‌ മാത്രം കഴിയുന്ന ഒരു വിപ്ലവമായി മാറുന്നതും സഖാവിനെ അറിയുന്നവർക്ക്‌ അത്‌ അർഹതയ്ക്കുള്ള അംഗീകാരമായി തോന്നുന്നതും ആ സഖാവിന്റെ പോരാട്ടങ്ങളുടെ നേർക്കാഴ്ച കൊണ്ടു തന്നെയാണ്..!!

അക്ഷരാർത്ഥത്തിൽ ഈ പാർട്ടിയുടെ നേരവകാശിയാണു സ: സ്റ്റീഫൻ. ആറാം വയസ്സിൽ അമ്മയും ഒമ്പതാം വയസ്സിൽ അച്ഛനും നഷ്ടപ്പെട്ട് അനാഥനായിപ്പോയ ആ ഒമ്പത്‌ വയസ്സുകാരൻ പിന്നീട്‌ കാട്ടാക്കടയിലെ പാർട്ടിയുടെ മകനായി മാറുകയായിരുന്നു. താമസവും ഭക്ഷണവും ഉറക്കവുമെല്ലാം ബന്ധു വീടുകളിലും പാർട്ടി ഓഫീസിലും, അടുത്ത ബന്ധുക്കളായി സഖാക്കളും ഓഫീസ്‌ ചുമരിലെ സ: ലെനിൻ മുതൽ എ കെ ജി വരെയുള്ളവരുടെ ചിത്രങ്ങളും. ഒമ്പതാം വയസിൽ ജീവിതത്തിൽ ഒറ്റപ്പെട്ടുപോയി പകച്ചു നിന്ന ആ ബാലന് താങ്ങും തണലും ജീവിതവഴിയിലെ വെളിച്ചവുമായി പാർട്ടി മാറുകയായിരുന്നു. അതുകൊണ്ട്‌ തന്നെ താൻ അനാഥനാണെന്ന തോന്നൽ സ: സ്റ്റീഫനു ഒരിക്കലും അനുഭവപ്പെട്ടിട്ടില്ല. അങ്ങനെ തോന്നാൻ സ്റ്റീഫനെ പാർട്ടി അനുവദിച്ചിട്ടുമില്ല.

ബാലസംഘത്തിൽ പ്രവർത്തനം ആരംഭിക്കുമ്പോൾ സ. സ്റ്റീഫന് വയസ്സ്‌ പതിനാല്‌, തുടർന്ന് ബാലസംഘം കാട്ടാക്കട ഏര്യാ പ്രസിഡന്റ്‌, ജില്ലാ കമ്മിറ്റി അംഗം, കാട്ടാക്കട കുളത്തുമ്മൽ സ്കൂളിൽ എസ്‌ എഫ്‌ ഐ യൂണിറ്റ്‌ സെക്രട്ടറി, കാട്ടാക്കട ഏര്യാ സെക്രട്ടറി, ഏര്യാ പ്രസിഡന്റ്‌ എന്നിങ്ങനെ സംഘടനാ പ്രവർത്തനങ്ങൾ മുന്നോട്ടുപോയി. പഠനം അപ്പോഴേക്കും കാട്ടാക്കട ക്രിസ്ത്യൻ കോളേജിൽ എത്തിയിരുന്നു. സ. സ്റ്റീഫൻ ആദ്യമായി തെരഞ്ഞെടുപ്പ് നേരിട്ടത് ആ കാലത്തായിരുന്നു. കെ എസ്‌ യു വിന്റെ കുത്തകയായിരുന്ന കോളേജിൽ യൂണിവേഴ്സിറ്റി യൂണിയൻ കൗൺസിലറായി സഖാവ്‌ വിജയിച്ച്‌ കയറുമ്പോൾ സ്റ്റീഫനെ അറിയുന്ന ആർക്കും അതിൽ അത്ഭുതമൊന്നും തോന്നിയില്ല.

ധാരാളം പ്രതിസന്ധികൾക്കിടയിലും ബഹുതല സ്പർശിയായ ഒരു ഭരണസംവിധാനമായി നിലനിൽക്കാൻ കഴിഞ്ഞു :പിണറായി സർക്കാറിനെ കുറിച്ച് സുനിൽ പി ഇളയിടം

ധാരാളം പ്രതിസന്ധികൾക്കിടയിലും ബഹുതല സ്പർശിയായ ഒരു ഭരണസംവിധാനമായി നിലനിൽക്കാൻ കഴിഞ്ഞു :പിണറായി സർക്കാറിനെ കുറിച്ച് സുനിൽ പി ഇളയിടം

എഴുത്തുകാരനും പ്രാസംഗികനുമായ സുനില്‍ പി ഇളയിടം പിണറായി സർക്കാരിനെ വിലയിരുത്തുന്നത് ഇങ്ങനെ:

പ്രകൃതിക്ഷോഭങ്ങളായിട്ടും രാഷ്ട്രീയമായ കടന്നാക്രമണങ്ങളായിട്ടുമൊക്കെ ധാരാളം പ്രതിസന്ധികളിലൂടെ ആണ് ഈ മന്ത്രിസഭ കടന്നു പോന്നിട്ടുള്ളത്.
എന്നാൽ ഈ സമയത്ത് തന്നെയും അടിസ്ഥാനപരമായ പല കാര്യങ്ങൾ -സാമൂഹികനീതി ഉറപ്പുവരുത്തുക എന്നുള്ള കാര്യം അല്ലെങ്കിൽ ഏറ്റവും കീഴ്ത്തട്ടിലുള്ള മനുഷ്യരുടെ വളർച്ച അവരുടെ ജീവിത സുരക്ഷ ഉറപ്പു വരുത്താനുള്ള കാര്യം,ആരോഗ്യത്തിന്, വിദ്യാഭ്യാസത്തിൻറെ കൃഷിയുടെ ഒക്കെ മേഖലയിലുള്ള വളർച്ച, വികാസം ഉറപ്പുവരുത്താനുള്ള കാര്യം .
അങ്ങനെ ബഹുതല സ്പർശിയായ ഒരു ഭരണസംവിധാനം ആയിട്ട് നിലനിൽക്കാൻ കഴിഞ്ഞു എന്നാണ് ഞാൻ കരുതുന്നത്

‘പാവപ്പെട്ടവരുടെ പ്രശ്നങ്ങള്‍ കാണാനും പരിഹരിക്കാനും എല്ലാഘട്ടത്തിലും ഇടതുസര്‍ക്കാരിന് കഴിഞ്ഞു’ ; ധര്‍മ്മടത്ത് മുഖ്യമന്ത്രി പിണറായി വിജയന്‍

‘പാവപ്പെട്ടവരുടെ പ്രശ്നങ്ങള്‍ കാണാനും പരിഹരിക്കാനും എല്ലാഘട്ടത്തിലും ഇടതുസര്‍ക്കാരിന് കഴിഞ്ഞു’ ; ധര്‍മ്മടത്ത് മുഖ്യമന്ത്രി പിണറായി വിജയന്‍

നാടിന്റെയും പാവപ്പെട്ടവരുടെയും പ്രശ്നങ്ങള്‍ കാണാനും പരിഹരിക്കാനും എല്ലാഘട്ടത്തിലും ഇടതുസര്‍ക്കാരിന് മുന്‍കയ്യെടുക്കാന്‍ കഴിഞ്ഞിട്ടുണ്ടെന്ന് മുഖ്യമന്ത്രി പിണറായി വിജയന്‍. കഴിഞ്ഞ അഞ്ചുവര്‍ഷം നിങ്ങളുടെ പ്രതിനിധിയായാണ് ഞാന്‍ നിയമസഭയില്‍ ഉണ്ടായിരുന്നത്. നിങ്ങള്‍ക്ക് പേരുദോഷം വരുത്തുന്നതൊന്നും ഞങ്ങളുടെ ഭാഗത്ത് നിന്ന് ഉണ്ടായിട്ടില്ല എന്നതാണ് ഉറച്ചുവിശ്വാസം. ഇനിയും ആ രീതിയില്‍ തന്നെ മുന്നോട്ടുപോകുമെന്നും സ്വന്തം മണ്ഡലമായ ധര്‍മ്മടത്ത് സംസാരിച്ചു കൊണ്ട് പിണറായി വിജയന്‍ പറഞ്ഞു.

സര്‍ക്കാരിന്റെ വികസനപ്രവര്‍ത്തനങ്ങള്‍ക്ക് തടയിടാന്‍ ശ്രമിക്കുന്ന പ്രതിപക്ഷത്തിനെതിരെയും പിണറായി വിജയന്‍ ആഞ്ഞടിച്ചു. അനുഭവത്തില്‍ നിന്ന് പാഠം പഠിക്കാത്തവരാണിവര്‍. വീണ്ടും അതേ മാര്‍ഗ്ഗം സ്വീകരിക്കുകയാണിവര്‍. എല്ലാവരും ഒന്നിച്ചിട്ട്, കേന്ദ്രഏജന്‍സികളും ബിജെപിയും കോണ്‍ഗ്രസും എല്ലാവരും ഒന്നിച്ചു. എല്ലാവരും കൂടി നുണയുടെ കെട്ട് അഴിച്ചുവിടാനാണ് പോകുന്നത്. ഒരു കാര്യമേ നാം ചെയ്യേണ്ടതുള്ളൂ. എന്താണ് നേര്, എന്താണ് ഈ നുണയുടെ യഥാര്‍ത്ഥ സ്ഥിതി. എന്നത് ആളുകളെ അറിയിക്കണം. ഈ മണ്ഡലത്തില്‍ ഇത്തവണയും ഞാന്‍ മത്സരിക്കണമെന്നാണ് സിപിഐഎം തീരുമാനിച്ച് പ്രഖ്യാപിച്ചതെന്നും പിണറായി വിജയന്‍ തെരഞ്ഞെടുപ്പ് പ്രചാരണ പരിപാടിയില്‍ വ്യക്തമാക്കി.

മുഖ്യമന്ത്രിയുടെ വാക്കുകളിലൂടെ….
”അവര് പറഞ്ഞു, ഞങ്ങള്‍ അധികാരത്തിലേറിയാല്‍ ലൈഫ് മിഷന്‍ പിരിച്ചുവിടുമെന്ന്. എന്തൊരു ക്രൂരതയാണിത്. ഈ പാവങ്ങള്‍ എന്ത് പിഴച്ചു. അവര്‍ക്ക് സ്വന്തമായി വീട് വേണ്ടേ. നാട് വികസിച്ചുവരുമ്പോള്‍ അവരെയും ചേര്‍ത്തു പിടിക്കണ്ടേ. ആ പാവങ്ങളെ കയ്യൊഴിയാന്‍ പാടുണ്ടോ. എല്‍ഡിഎഫ് നേരത്തെ വ്യക്തമാക്കിയതാണ്. ഇപ്പോള്‍ ഉള്ളത് മാത്രമല്ല, നല്‍കിയിട്ടുള്ള അപേക്ഷകളില്‍ അര്‍ഹതപ്പെട്ട എല്ലാവര്‍ക്കും വീട് നല്‍കുമെന്നാണ് ആവര്‍ത്തിച്ച് വ്യക്തമാക്കാനുള്ളത്.

എങ്ങനെ ഇങ്ങനെയൊരു ക്രൂരമനസ്ഥിതി കൊണ്ടുനടക്കാന്‍ കഴിയും. നമ്മുടെ സംസ്ഥാനത്ത് വിവിധ മേഖലകളില്‍ പ്രതിപക്ഷത്തിന്റെ സഹകരണം തേടാനുള്ള ശ്രമം സര്‍ക്കാര്‍ നടത്തിയത്. ആദ്യം ഘട്ടം നോട്ടുനിരോധനത്തിന്റെ സമയത്താണ്. പക്ഷെ സഹകരിച്ചില്ല.

പ്രളയം വന്നപ്പോള്‍ പ്രതിപക്ഷ നേതാവിനൊപ്പമാണ് ദുരന്തസ്ഥലങ്ങളില്‍ സന്ദര്‍ശിച്ചത്. എന്തിനായിരുന്നു അത്. നാടിന്റെ മുന്നിലൊരു സന്ദേശം. ദുരന്തകാലമാണ്. നാം ഒന്നിച്ച് അതിജീവിക്കാന്‍ ശ്രമിക്കണം. എന്നാല്‍ കോണ്‍ഗ്രസും യുഡിഎഫും സ്വീകരിച്ച നില എന്താണ്. സര്‍ക്കാരിനെ കുറ്റപ്പെടുത്താനായി ശ്രമിച്ചു.

നൂറ്റാണ്ടിലെ പ്രളയം, ഡാം തുറന്നുവിട്ട് സര്‍ക്കാര്‍ ഉണ്ടാക്കിയതാണെന്ന് പ്രചരിപ്പിച്ചു. പഠനം നടത്തിയ ഏജന്‍സികളും വിദഗ്ദരുമെല്ലാം പറഞ്ഞത്, ആ ദിവസങ്ങളിലെല്ലാം അതിതീവ്രമഴയാണ് ഉണ്ടായതെന്നാണ്. ശക്തമായ മലവെള്ളപ്പാച്ചില്‍. ക്രമീകരണങ്ങള്‍ നടത്തി ഡാം തുറന്നത് ഉചിതമായ നടപടിയായിരുന്നു. ആ മലവെള്ളത്തെ തടഞ്ഞുനിര്‍ത്താന്‍ സാധിക്കില്ലെന്നായിരുന്നു. എന്നാല്‍ സര്‍ക്കാരിനെ കുറ്റപ്പെടുത്താനാണ് യുഡിഎഫ്, കോണ്‍ഗ്രസ്, ബിജെപി നേതാക്കള്‍ ശ്രമിച്ചത്.

കുറച്ചൊരു ഭാഗം കഴിഞ്ഞദിവസം അമിത് ഷാ ഇവിടെ വന്നപ്പോള്‍ പറഞ്ഞു. രണ്ടുകൂട്ടരും ഒരുപോലെയാണല്ലോ ഇപ്പോള്‍ വര്‍ത്തമാനം പറയുന്നത്. പ്രകൃതിദുരന്തം കൈകാര്യം ചെയ്യുന്നതില്‍ ഇവിടെ എന്തോ മോശമായി പോയെന്ന്. പ്രകൃതിദുരന്തം വന്നാല്‍ എല്ലായിടത്തും ഒരുപോലെയാണ് ട്ടോ. ഇന്നത്തെ പ്രധാനമന്ത്രി, അന്ന് ഗുജറാത്തില്‍ മുഖ്യമന്ത്രിയായിരുന്നപ്പോഴാണ് അവിടെയൊരു ദുരന്തമുണ്ടായത്. ഇവരുടെ പ്രത്യേക കഴിവുകൊണ്ട് അതിനെ തടഞ്ഞുനിര്‍ത്താന്‍ കഴിഞ്ഞോ.

ഇപ്പോള്‍ രാജ്യത്തിന്റെ വിവിധ ഭാഗങ്ങളില്‍ എന്തെല്ലാം ദുരന്തങ്ങളുണ്ടായി. ദുരന്തത്തെ ദുരന്തമായി കാണണം. അതില്‍ രാഷ്ട്രീയം കാണരുത്. ദുരന്തത്തിന് ഇരയായവരെ അങ്ങനെ കാണണം. അവരെ പേരുകള്‍ വച്ച് വേര്‍തിരിച്ച് കാണരുത്. ആ നെറികേട് കാണിച്ച് ശീലമുള്ളവര്‍ക്കേ, ഇവിടെ നടന്ന പ്രവര്‍ത്തനങ്ങളെ കുറ്റപ്പെടുത്താന്‍ കഴിയൂ.

ഇവിടെ എല്ലാവരെയും ഒന്നിച്ചു ചേര്‍ത്തു പിടിക്കുകയാണ് ചെയ്തത്. ഒന്നിച്ചാണ് കാര്യങ്ങള്‍ നീക്കിയത്. നര്‍നിര്‍മ്മാണപ്രവര്‍ത്തനങ്ങള്‍, ഇനിയൊരു ദുരന്തമുണ്ടായാല്‍ തകരാത്ത നിലയിലായിരിക്കണം പുനര്‍നിര്‍മാണ പ്രവര്‍ത്തനങ്ങള്‍. അതിന് ലോകത്തിന്റെ വിവിധഭാഗങ്ങളില്‍ നിന്ന് അറിവുകള്‍ തേടി. അതെല്ലാമാണ് ഇവിടെ നടന്നത്. അതിനാണ് നാം നേതൃത്വം കൊടുത്തത്.

നമ്മുടെ രാജ്യത്ത് ഭരണം നടത്തുന്നവര്‍, ജനങ്ങളെ പ്രത്യേകം അറകളിലാക്കാന്‍ താല്‍പര്യമുള്ളവരാണ്. ഭിന്നിപ്പിച്ച് നിര്‍ത്താനാണ് അവര്‍ക്ക് താല്‍പര്യം. അതിന്റെ ഭാഗമായി പൗരത്വ ഭേദഗതി നിയമം കൊണ്ടുവന്നു. ആ നിയമം വന്നപ്പോള്‍ ആദ്യഘട്ടത്തില്‍ തന്നെ എല്‍ഡിഎഫ് നിലപാട് വ്യക്തമാക്കി. പൗരത്വ ഭേദഗതി നിയമം കേരളത്തില്‍ നടപ്പാക്കിലെന്നായിരുന്നു ഇടതുസര്‍ക്കാരിന്റെയും നിലപാട്.

നിയമത്തിനെതിരായ പ്രതിഷേധത്തിന് സര്‍ക്കാര്‍ തന്നെ മുന്നിട്ടിറങ്ങി. കേരളത്തിന്റെ വികാരവും പ്രതിഷേധവും ഒന്നിച്ചുകാണിക്കണം. അതിന് വേണ്ടി പ്രതിപക്ഷത്തോട് അഭ്യര്‍ത്ഥിച്ചു. ഇവിടെയൊരു കെപിസിസി, അവര് യോഗം ചേര്‍ന്ന് തീരുമാനിച്ചു. ഇതില്‍ സഹകരിക്കാന്‍ പാടില്ലെന്ന്. എന്താണ് ഈ നിലപാടിന്റെ അര്‍ത്ഥം. ഒന്നിച്ച് നിന്നാലുള്ള ശക്തി വേറൊന്നാണ്. അതിന്റെ കരുത്ത് എത്ര വലുതാണ്. അതിനെ ദുര്‍ബലപ്പെടുത്താനുള്ള സമീപനമാണ് അവര്‍ സ്വീകരിച്ചത്. അത് പാടില്ലായിരുന്നു.

2016ല്‍ സഹകരണ മേഖലയെ തകര്‍ക്കാനുള്ള പരിപാടി ആരംഭിച്ചപ്പോള്‍, നമുക്ക് ഒന്നിച്ച് പ്രതിഷേധിക്കാമെന്ന് ഇതേ നേതാക്കളോട് പറഞ്ഞു. അന്നും അവര്‍ തീരുമാനിച്ചു, ഒന്നിച്ചു വേണ്ട. എന്താണ്, ഈ നാടിന്റെ ഒന്നിച്ചുള്ള വികാരത്തിന് തടസമായി എന്തിന് നില്‍ക്കുന്നു. ആ വികാരം ബിജെപിക്ക് എതിരായിട്ടാണ്. കേന്ദ്രസര്‍ക്കാരിന് എതിരായിട്ടാണ്.

ജനങ്ങളെ ഭിന്നിപ്പിക്കുന്ന നടപടികള്‍ക്കെതിരായിട്ടാണ്. എന്താണ് ഇത്തരം കാര്യങ്ങളില്‍ യോജിച്ച് നില്‍ക്കാന്‍ പ്രയാസം. ഇതാണ് നമ്മുടെ നാട്ടിലെ പ്രതിപക്ഷത്തിന്റെ സമീപനം. ഇതെല്ലാം വിലയിരുത്താനുള്ള സമയമാണിത്. ഈ കാര്യങ്ങളെല്ലാം നാട്ടുകാരും വോട്ടര്‍മാരും വിശദമായി വിലയിരുത്തുന്ന സമയമാണിത്. ഒരു കാര്യം ഉറപ്പാണ്. നമ്മുടെ നാട് പ്രബുദ്ധമായ നാടാണ്. കൃത്യമായ വിലയിരുത്തലാണ് ജനം നടത്തുന്നത്.

തദ്ദേശ തെരഞ്ഞെടുപ്പ് വന്നപ്പോള്‍ നുണയുടെ മലവെള്ളപ്പാച്ചിലായിരുന്നു. അതില്‍ എല്‍ഡിഎഫിനെ ഒഴിക്കി കളയാമെന്നായിരുന്നു നുണപ്രചാരകര്‍ നടത്തിയത്. അപ്പോള്‍ നാട്ടിലെ ജനം ഒറ്റക്കെട്ടായി. അവരുടെ കരങ്ങള്‍ ചേര്‍ത്ത് എല്‍ഡിഎഫിനെ പിടിച്ചു. എല്‍ഡിഎഫിനെ വിട്ടുനല്‍കില്ലെന്ന് അവര്‍ കൃത്യമായി പറഞ്ഞു. അതാണ് ഈ നാട്. മുഖ്യമന്ത്രി വ്യക്തമാക്കി.

പിണറായി സര്‍ക്കാരിന് അഭിനന്ദനവുമായി സന്തോഷ് ജോര്‍ജ് കുളങ്ങര

പിണറായി സര്‍ക്കാരിന് അഭിനന്ദനവുമായി സന്തോഷ് ജോര്‍ജ് കുളങ്ങര

കേരളത്തിന്റെ ഭാവിക്കായി നടപ്പാക്കിയ പദ്ധതികള്‍ ആരംഭിച്ച സര്‍ക്കാരാണ് ഇടതുപക്ഷ സര്‍ക്കാരെന്ന് സഞ്ചാരിയും മാധ്യമപ്രവര്‍ത്തകനുമായ് സന്തോഷ് ജോര്‍ജ് കുളങ്ങര. പിണറായി സര്‍ക്കാര്‍ കേരളതതിന് സമ്മാനിച്ചതില്‍ എടുത്തുപറയേണ്ട സംഭാവനയെന്ന് തോന്നുന്നത് ആരോഗ്യമേഖലയിലും പൊതു നിര്‍മ്മാണ മേഖലയിലുമാണെന്നും സന്തോഷ് ജോര്‍ജ് കുളങ്ങര വ്യക്തമാക്കി.

ഉറപ്പാണ് എല്‍ഡിഎഫ് പ്രചരണപരിപാടികളുടെ ഭാഗമായി നിര്‍മ്മിച്ച എല്‍ഡിഎഫിന്റെ ഔദ്യോഗിക ഫേസ്ബുക്ക് പേജിലാണ് ഒരു മിനുറ്റ് ദൈര്‍ഘ്യമുള്ള, ഇടതുപക്ഷത്തിനെ അഭിനന്ദിച്ചുകൊണ്ടുള്ള സന്തോഷ് ജോര്‍ജ് കുളങ്ങരയുടെ വീഡിയോ പുറത്തുവിട്ടിരിക്കുന്നത്.

വിദ്യാഭ്യാസ മേഖലയില്‍ പൊതുവിദ്യാഭ്യാസ സ്ഥാപനങ്ങള്‍ക്ക് ലഭിച്ച പ്രാമുഖ്യത്തെക്കുറിച്ചും മലയാളികളെ ടെലിവിഷന്‍ സ്‌ക്രീനിലൂടെ ലോകം കാണിച്ച സഞ്ചാരി സന്തോഷ് ജോര്‍ജ് കുളങ്ങര എടുത്തുപറയുന്നു.

ഏറ്റവും പ്രധാനപ്പെട്ട ചില സംഭാവനകള്‍ ഭാവിയ്ക്ക് വേണ്ടി നടപ്പാക്കാന്‍ ആരംഭിച്ച ചില പദ്ധതികളാണ്. പ്രധാനമായും സെമി ഹൈസ്പീഡ് റെയില്‍ കോറിഡോര്‍ പോലുള്ള ചില പദ്ധതികള്‍, കെ ഫോണ്‍ പോലുള്ള പദ്ധതികളെന്നും അദ്ദേഹം ചൂണ്ടിക്കാട്ടുന്നു.

”എന്നെ സംബന്ധിച്ചിടത്തോളം ഏറ്റവും എടുത്തുപറയേണ്ട സംഭാവനയെന്ന് എനിക്ക് തോന്നുന്നത് ആരോഗ്യമേഖലയിലും പൊതു നിര്‍ണാണ മേഖലയിലുമായിരിക്കാം. കൂടാതെ വിദ്യാഭ്യാസ മേഖലയില്‍ പൊതുവിദ്യാഭ്യാസ സ്ഥാപനങ്ങള്‍ക്ക് ലഭിച്ച പ്രാമുഖ്യം. ഏറ്റവും പ്രധാനപ്പെട്ട ചില സംഭാവനകള്‍ ഭാവിയ്ക്ക് വേണ്ടി നടപ്പാക്കാന്‍ ആരംഭിച്ച ചില പദ്ധതികളാണ്. പ്രധാനമായും സെമി ഹൈസ്പീഡ് റെയില്‍ കോറിഡോര്‍ പോലുള്ള ചില പദ്ധതികള്‍, കെ ഫോണ്‍ പോലുള്ള പദ്ധതികള്‍. കേരളത്തിന്റെ അടിസ്ഥാന സൗകര്യ വികസനത്തിന് വേണ്ടി ആരംഭിച്ചിരിക്കുന്ന നിരവധിയായ പ്രവര്‍ത്തനങ്ങള്‍ ഇതൊക്കെ എനിക്ക് വലിയ പ്രതീക്ഷ നല്‍കുന്ന കാര്യങ്ങളാണ്.” സന്തോഷ് ജോര്‍ജ് കുളങ്ങരയുടെ വീഡിയോയില്‍ പറയുന്നു.

‘താങ്കളെപ്പോലുള്ള ഒരാള്‍ക്ക് അല്ലാതെ ഇന്നത്തെ ഇന്ത്യയില്‍ ഈ രാജ്യം അടക്കിഭരിക്കുന്ന അമിത് ഷാ എന്ന ഫറോവയുടെ മന്ത്രിയായിരുന്ന ഹാമാനെപ്പോലുള്ള അവതാരങ്ങള്‍ക്ക് മറുപടി പറയാന്‍ സാധിക്കുകയില്ല’ ; പിണറായി വിജയനെ പ്രശംസിച്ച് ഒ അബ്ദുള്ള

‘താങ്കളെപ്പോലുള്ള ഒരാള്‍ക്ക് അല്ലാതെ ഇന്നത്തെ ഇന്ത്യയില്‍ ഈ രാജ്യം അടക്കിഭരിക്കുന്ന അമിത് ഷാ എന്ന ഫറോവയുടെ മന്ത്രിയായിരുന്ന ഹാമാനെപ്പോലുള്ള അവതാരങ്ങള്‍ക്ക് മറുപടി പറയാന്‍ സാധിക്കുകയില്ല’ ; പിണറായി വിജയനെ പ്രശംസിച്ച് ഒ അബ്ദുള്ള

അമിഷായ്‌ക്കെതിരെ രൂക്ഷ വിമര്‍ശനമുന്നയിച്ചും അമിതഷായുടെ ചോദ്യങ്ങള്‍ക്ക് കൃത്യമായ മറുപടി നല്‍കിയ മുഖ്യമന്ത്രി പിണറായി വിജയനെ പ്രശംസിച്ചും മുതിര്‍ന്ന മാധ്യമ പ്രവര്‍ത്തകനും മാധ്യമം മുന്‍ എഡിറ്ററുമായ ഒ അബ്ദുള്ള.

പിണറായി വിജയനെപ്പോലുള്ള ഒരാള്‍ക്കല്ലാതെ ഇന്നത്തെ ഇന്ത്യയില്‍ ഈ രാജ്യം അടക്കിഭരിക്കുന്ന അമിത് ഷാ എന്നു പറയുന്നതായ ഫറോവയുടെ മന്ത്രിയായിരുന്ന ഹാമാന്റെയും അതുപോലെ ഉള്ളവരുടെയും അവതാരങ്ങള്‍ക്ക് മറുപടി പറയാന്‍ സാധിക്കുകയില്ലെന്നും താങ്കള്‍ ജനിച്ച സംസ്ഥാനത്ത് താങ്കള്‍ ഭരിക്കുന്നതായ രാജ്യത്ത്, ജനിക്കാന്‍ ഭാഗ്യം ലഭിച്ചതില്‍ ഞാന്‍ ആയിരം ആയിരം തവണ ദൈവത്തെ സ്തുതിക്കുന്നുവെന്നും ഒ അബ്ദുള്ള തന്റെ ഫേസ്ബുക്കിലൂടെ പറഞ്ഞു.

“മുസ്ലിം എന്ന വാക്ക് ഉച്ചരിക്കേണ്ടി വരുമ്പോള്‍ അമിത്ഷായുടെ സ്വരം കനക്കുന്നു. വര്‍ഗീയതയുടെ ആള്‍രൂപമാണ് അമിത് ഷാ. വര്‍ഗീയത വളര്‍ത്താന്‍ എന്തും ചെയ്യുന്നയാളെന്നും ഒ അബ്ദുള്ള വ്യക്തമാക്കി.
ഇന്ന് ഞാന്‍ അടിമയല്ല ആരുടെയും ഉടമയും അല്ല. പക്ഷേ എനിക്ക് ചുറ്റും ഒരുപാട് രാഷ്ട്രീയ അടിമകള്‍ ഉണ്ട്. വിലകൊടുത്തു വാങ്ങാന്‍ കഴിയുമായിരുന്നെങ്കില്‍ ഞാന്‍ അവരില്‍ ഒരായിരം എണ്ണത്തെ വിലകൊടുത്ത് വാങ്ങി സ്വതന്ത്രരാക്കുമായിരുന്നു. രാഷ്ട്രീയ അടിമകള്‍ എന്ന് പറഞ്ഞാല്‍ താങ്കള്‍ നല്ലത് ചെയ്താല്‍ പോലും അത് നല്ലതാണെന്ന് പറയുകയില്ലെന്ന് മാത്രമല്ല പറയുന്നവരെ കൊഞ്ഞനം കുത്തുന്ന രാഷ്ട്രീയ അടിമകള്‍.”

കൊലപാതകം ഉള്‍പ്പെടെയുള്ള ഗുരുതരമായ കേസ് നേരിട്ടത് ആരാണെന്ന് അമിത്ഷാ സ്വയം ചിന്തിക്കണം. നടുറോഡില്‍ നരേന്ദ്ര മോദിയെ കൊല്ലാന്‍ എന്നു പറഞ്ഞു വന്ന 5യുവാക്കളെ കൊന്ന് പ്രദര്‍ശനത്തിന് വച്ച അമിത് ഷാ, അദ്ദേഹത്തെ സംബന്ധിച്ച് വളരെ രൂക്ഷമായ ഭാഷയിലാണ് നമ്മുടെ മുഖ്യമന്ത്രി പ്രസംഗിച്ചത്. ഒ അബ്ദുള്ള വ്യക്തമാക്കി.
മുന്‍പും മുഖ്യമന്ത്രി പിണറായി വിജയനെ പിന്തുണച്ച് ഒ അബ്ദുള്ള രംഗത്തെത്തിയിരുന്നു. കേരളത്തില്‍ എല്‍ഡിഎഫ് തുടര്‍ഭരണം ഉണ്ടാവണമെന്നും കേരളത്തിലെ ഇടതു പൊതുബോധവും മതേതരത്വം നിലനില്‍ക്കേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം വ്യക്തമാക്കിയിരുന്നു.

ഒ അബ്ദുള്ളയുടെ വാക്കുകളിലൂടെ
ബ്രാവോ മിസ്റ്റര്‍ പിണറായി ബ്രാവോ..താങ്കള്‍ ജനിച്ച സംസ്ഥാനത്ത് താങ്കള്‍ ഭരിക്കുന്നതായ രാജ്യത്ത്, ജനിക്കാന്‍ ഭാഗ്യം ലഭിച്ചതില്‍ ഞാന്‍ ആയിരം ആയിരം തവണ ദൈവത്തെ സ്തുതിക്കുന്നു. ഈ അഭിനന്ദനം തീര്‍ച്ചയായും താങ്കള്‍ ഇതിനേക്കാള്‍ ശക്തവും ഇതിനേക്കാള്‍ മനോഹരമായ ഭാഷയില്‍ അര്‍ഹിക്കുന്നുണ്ട്. പക്ഷേ, ഭാഷാപരമായ എന്റെ കഴിവും പരിമിതിയും അതോടൊപ്പം എന്റെ പ്രായവും അത്തരത്തിലുള്ളതായ ഒരു മംഗളപത്ര സമര്‍പ്പണത്തിന് എന്റെ മുന്നില്‍ തടസ്സം നില്‍ക്കുന്നു.

1500 വര്‍ഷങ്ങള്‍ക്ക് മുന്‍പ് ആയിരുന്നെങ്കില്‍ ഇത്തരം ഒരു സന്തോഷ വാര്‍ത്ത കേട്ടാല്‍ എന്റെ പക്കല്‍ അടിമകള്‍ ഉണ്ടായിരുന്നെങ്കില്‍ ഞാന്‍ ഉടനെ തന്നെ ഒരു നൂറ് അടിമകളെ സ്വതന്ത്രരാക്കുമായിരുന്നു. അതായിരുന്നു അക്കാലത്തെ പതിവ്. പ്രവാചകന്‍ മുഹമ്മദ് നബി ജനിച്ചപ്പോള്‍ അദ്ദേഹത്തിന്റെ പിതാമഹന്‍ അടിമകളെ സ്വതന്ത്രമാക്കുകയുണ്ടായി. കാരണം സന്തോഷം കുറിക്കാനുള്ളതായ ഒരു അവസരം അതോടൊപ്പം അടിമകളെ മോചിപ്പിക്കുന്ന എന്ന മഹത്തായ പാരമ്പര്യം.

ഇന്ന് ഞാന്‍ അടിമയല്ല. ആരുടെയും ഉടമയും അല്ല. പക്ഷേ എനിക്ക് ചുറ്റും ഒരുപാട് രാഷ്ട്രീയ അടിമകള്‍ ഉണ്ട്. വിലകൊടുത്തു വാങ്ങാന്‍ കഴിയുമായിരുന്നെങ്കില്‍ ഞാന്‍ അവരില്‍ ഒരായിരം എണ്ണത്തെ വിലകൊടുത്ത് വാങ്ങി സ്വതന്ത്രരാക്കുമായിരുന്നു. രാഷ്ട്രീയ അടിമകള്‍ എന്ന് പറഞ്ഞാല്‍ താങ്കള്‍ നല്ലത് ചെയ്താല്‍ പോലും അത് നല്ലതാണെന്ന് പറയുകയില്ലെന്ന് മാത്രമല്ല പറയുന്നവരെ കൊഞ്ഞനം കുത്തുന്ന രാഷ്ട്രീയ അടിമകള്‍.

താങ്കളെപ്പോലുള്ള ഒരാള്‍ക്ക് അല്ലാതെ ഇന്നത്തെ ഇന്ത്യയില്‍ ഈ രാജ്യം അടക്കിഭരിക്കുന്ന അമിത് ഷാ എന്ന പറയുന്നതായ ഫറോവയുടെ മന്ത്രിയായിരുന്ന ഹാമാന്റെയും അതുപോലെ ഉള്ളവരുടെയും അവതാരങ്ങള്‍ക്ക് മറുപടി പറയാന്‍ സാധിക്കുകയില്ല. എന്തൊരു കൃത്യമായ മറുപടി. എന്തൊരു വൃത്തിയുള്ള വാചകം. ആ വാചകത്തില്‍ താങ്കള്‍ കൈകൊണ്ടതായ നിലപാട്. സാധാരണ താങ്കളുടെ പത്രസമ്മേളനം കണ്ടാസ്വദിക്കുന്ന ഒരാളാണ് ഞാന്‍. സൂക്ഷ്മത അതെന്നെ വല്ലാതെ അത്ഭുതപ്പെടുത്തുന്നു. ഞാന്‍ രോമാഞ്ചകഞ്ചുകം അണിയുന്നു.
ആ വാചകങ്ങളിലൂടെ വീണ്ടും വീണ്ടും പോകാന്‍ എന്റെ മനസ്സ് എന്നെ നിര്‍ബന്ധിക്കുന്നു.

അതായത് ഇരിക്കുന്ന സ്ഥാനത്തിന് അനുസരിച്ചല്ല താങ്കള്‍ സംസാരിക്കുന്നത് എങ്കില്‍ നിങ്ങളുടെ ചെയ്തികള്‍ ഞങ്ങള്‍ക്ക് വിളിച്ചു പറയേണ്ടിവരും. മുസ്ലിം എന്ന വാക്ക് ഉച്ചരിക്കേണ്ടി വരുമ്പോള്‍ അമിത് ഷാ താങ്കളുടെ സ്വരം കനക്കുന്നു. വര്‍ഗീയതയുടെ ആള്‍രൂപമാണ് അമിത് ഷാ. വര്‍ഗീയത വളര്‍ത്താന്‍ എന്തും ചെയ്യുന്നയാള്‍. ഇന്ന് വലിയ സ്ഥാനത്തെത്തിയെങ്കില്‍ 2002ല്‍ ഗുജറാത്ത് വംശഹത്യക്ക് നേതൃത്വം നല്‍കിയ ആളില്‍ നിന്ന് ഇതിലും വലിയ മാറ്റമൊന്നും വന്നിട്ടില്ലെന്ന് കഴിഞ്ഞ ദിവസത്തെ പ്രസംഗം വ്യക്തമാക്കുന്നു. എന്നുപറഞ്ഞുകൊണ്ട് താങ്കള്‍ ചില ചോദ്യങ്ങള്‍ ഷായോട് തിരിച്ചു ചോദിക്കുന്നു.
കൊലപാതകം ഉള്‍പ്പെടെയുള്ള ഗുരുതരമായ കേസ് നേരിട്ടത് ആരാണെന്ന് അമിത്ഷാ സ്വയം ചിന്തിക്കണം. നടുറോഡില്‍ നരേന്ദ്ര മോദിയെ കൊല്ലാന്‍ എന്നു പറഞ്ഞു വന്ന 5 യുവാക്കളെ കൊന്ന് പ്രദര്‍ശനത്തിന് വച്ച അമിത് ഷാ… അദ്ദേഹത്തെ സംബന്ധിച്ച് വളരെ രൂക്ഷമായ ഭാഷയിലാണ് നമ്മുടെ മുഖ്യമന്ത്രി പ്രസംഗിച്ചത്. പിണറായി വിജയന്റെ ഭരണത്തെയും അദ്ദേഹത്തിന്റെ പത്രസമ്മേളനങ്ങളെയും ഒക്കെ വാഴ്ത്തി പറഞ്ഞതിന്റെ പേരില്‍ എന്നെ നിങ്ങള്‍ ഫേസ്ബുക്കില്‍ വല്ലാതെ പിന്തുടരുകയും പലതും പറഞ്ഞ് പരിഹസിക്കുകയും ചെയ്തു.
.
ഞാന്‍ അതെല്ലാം തന്നെ ആസ്വദിക്കുന്നു. അതെല്ലാം തന്നെ പ്രതീക്ഷിച്ചതാണ്. ഞാനെന്റെ രാഷ്ട്രീയമായ ഏതെങ്കിലും തരത്തിലുള്ള ബന്ധം ആര്‍ക്കും പതിച്ചു നല്‍കിയിട്ടില്ല. നാളെ പിണറായി സര്‍ക്കാരിന്റെ ഭാഗത്തുനിന്ന് അല്ലെങ്കില്‍ വ്യക്തിയെന്ന നിലയില്‍ അദ്ദേഹത്തില്‍ നിന്നോ അദ്ദേഹത്തിന്റെ സഹപ്രവര്‍ത്തകരില്‍ നിന്നോ എന്തെങ്കിലും വീഴ്ച വരികയാണെങ്കില്‍ ഇതേ രീതിയില്‍ ഒരു പക്ഷേ ഇതിനേക്കാള്‍ കടുത്തഭാഷയില്‍ വിമര്‍ശിക്കുന്നതിന് ഒരിക്കലും ഒരു വിരോധവും ഇല്ല എനിക്ക്.

ഞാന്‍ അടിമയല്ല എന്ന് ഞാന്‍ മുന്‍കൂട്ടി പറഞ്ഞു കഴിഞ്ഞു. ഞാന്‍ ഒരു മത സംഘടനയിലും അംഗമല്ല. ഒരു രാഷ്ട്രീയപാര്‍ട്ടിയുടെയും മെമ്പര്‍ അല്ല. എനിക്ക് സ്വതന്ത്രമായി കാര്യങ്ങള്‍ പറയാനും ഇന്ത്യയുടെ മതേതര ജനാധിപത്യ സംവിധാനത്തെ നിലനിര്‍ത്തി കാണാന്‍ വേണ്ടി ഏതറ്റംവരെയും പോകാനും തീരുമാനിച്ചുറച്ച ഒരു വ്യക്തി മാത്രമാണ് ഞാന്‍. അപ്പോള്‍ ആ അര്‍ത്ഥത്തില്‍ ഞാന്‍ പറയുന്നു ഇതുപോലെത്തെ നാലു വാചകങ്ങള്‍ അമിത്ഷായുടെ മുഖത്ത് നോക്കി പറയാനും അഞ്ച് വര്‍ഷ കാലത്തിനിടയില്‍ ആരെങ്കിലും മുന്‍പോട്ടു വന്നോ. അതാണ് ശ്രീ പിണറായി വിജയന്‍.

അതുകൊണ്ടാണ് അദ്ദേഹത്തിന്റെ പോലീസില്‍ നിന്നോ മറ്റോ സംഭവിക്കുന്ന ചില്ലറ സ്‌കെലിതങ്ങളുടെ പേരില്‍ അദ്ദേഹത്തെ നമ്മള്‍ വേട്ടയാടുകയും അദ്ദേഹത്തിന്റെ പാര്‍ട്ടിയെ മത വിരോധത്തിന് അല്ലെങ്കില്‍ ബിജെപി ബാന്ധവം എന്നൊക്കെ പറഞ്ഞ് ആരോപിച്ചുകൊണ്ട് കുറ്റപ്പെടുത്തുന്നതില്‍ അര്‍ത്ഥമില്ല എന്ന് ഞാന്‍ ആവര്‍ത്തിച്ചു പറയുന്നു. അതുകൊണ്ട് എനിക്ക് പറയാനുള്ളത് എനിക്ക് ഒരായിരം അടിമകളെ തരൂ.. രാഷ്ട്രീയ അടിമകളെ. എനിക്ക് അവരെ സ്വതന്ത്രരാക്കണം …അങ്ങനെ പിണറായി വിജയന്‍ മുഖ്യമന്ത്രി, അദ്ദേഹത്തിന്റെ ഈ ദിവസത്തെ പ്രസ്താവനയെ എനിക്ക് ഒരു ആഘോഷമാക്കി മാറ്റണം… നിങ്ങള്‍ പ്രതികരിക്കുക.

അമിത് ഷായോട് മുഖ്യമന്ത്രി പിണറായി വിജയന്റെ ചോദ്യങ്ങള്‍

അമിത് ഷായോട് മുഖ്യമന്ത്രി പിണറായി വിജയന്റെ ചോദ്യങ്ങള്‍

കണ്ണൂരില്‍ നടന്ന മുഖ്യമന്ത്രി പിണറായി വിജയന്റെ തെരഞ്ഞെടുപ്പ് പ്രചരണവുമായി ബന്ധപ്പെട്ട പ്രസംഗം കേന്ദ്ര ആഭ്യന്തരമന്ത്രി അമിത് ഷായോടുള്ള ചോദ്യങ്ങളുടെ പുസ്തകമായിരുന്നു. ഉത്തരം കിട്ടേണ്ട നിരവധി ചോദ്യങ്ങളാണ് ഇന്ന് മുഖ്യമന്ത്രി ഉന്നയിച്ചത്. പലതും കേന്ദ്ര സര്‍ക്കാരിനെതിരെയുള്ള വിമര്‍ശനങ്ങളുടെ കൂരമ്പുകളായിരുന്നു. മുഖ്യമന്ത്രി ചോദിച്ച ചോദ്യങ്ങളിലൂടെ ഒരു യാത്രയാകാം.

1. നയതന്ത്ര ബാഗേജ് വഴി സ്വര്‍ണ്ണക്കടത്ത് ആസൂത്രണം ചെയ്ത പ്രധാനികളില്‍ ഒരാള്‍ അറിയപ്പെടുന്ന സംഘപരിവാറുകാരന്‍ അല്ലേ.

2. സര്‍ണ്ണകള്ളക്കടത്ത് തടയാനുള്ള പ്രവര്‍ത്തനങ്ങള്‍ പൂര്‍ണമായും കസ്റ്റംസിനല്ലെ.

3. തിരുവനന്തപുരം വിമാനത്താവളം കേന്ദ്രസര്‍ക്കാരിന്റെ സമ്പൂര്‍ണ്ണ നിയന്ത്രണത്തില്‍ പ്രവര്‍ത്തിക്കുന്ന എയര്‍പോട്ടല്ലെ.

4. ബിജെപി അധികാരത്തില്‍ വന്നത് മുതല്‍ തിരുവനന്തപുരം എയര്‍പോട്ട് സ്വര്‍ണ്ണക്കടത്തിന്റെ ഹബ്ബായി മാറിയത് എങ്ങനെയാണ്.

5. സ്വര്‍ണ്ണകള്ളക്കടത്ത് നിയന്ത്രിക്കുന്നതില്‍ താങ്കളുടെ മന്ത്രിസഭയിലെ ഒരു സഹമന്ത്രിക്ക് വ്യക്തിപരമായ നേതൃതല പങ്കളിത്തമുണ്ട് എന്നത് അമിത് ഷായ്ക്ക് അറിയാത്തതാണോ.

6. സ്വര്‍ണ്ണകള്ളക്കടത്തിന് തടസം വരാതിരിക്കാന്‍ തിരുവനന്തപുരം എയര്‍പോട്ടില്‍ സംഘപരിവാറുകാരെ വിവിധ ചുമതലകളില്‍ നിയമിച്ചത് ബോധപൂര്‍വ്വമല്ലെ.

7. കള്ളക്കടത്തിന് പിടികൂടപ്പെട്ട ചിലരെ പ്രത്യേക താല്‍പര്യമെടുത്ത് ഡെപ്യൂട്ടേഷന്‍ വഴി തിരുവനന്തപുരത്ത് എത്തിച്ചതിന് പിന്നില്‍ ആരാണ് പ്രവര്‍ത്തിച്ചത്.

8. ഈ കേസിലെ അന്വേഷണം താങ്കള്‍ക്ക്, അമിത് ഷാക്കും കൂട്ടര്‍ക്കും താല്‍പര്യമുള്ളവരില്‍ എത്തുന്നു എന്ന് കണ്ടപ്പോഴല്ലെ ആ കേസിന്റെ ദിശ തിരിച്ച് വിട്ടത്.

9. നയതന്ത്ര ബാഗേജ് അല്ലെന്ന് പറയാന്‍ പ്രതിയെ പ്രേരിപ്പിച്ച വ്യക്തി താങ്കളുടെ പാര്‍ട്ടിയുടെ ചാനലിന്റെ മേധാവിയല്ലെ.

10. അദ്ദേഹത്തിലേക്ക് അന്വേഷണം എത്തിയപ്പോഴല്ലെ നിങ്ങളെ പോലുള്ളവര്‍ക്ക് അന്വേഷണം ശരിയായി നടക്കാന്‍ പാടില്ലായെന്ന് ബോധ്യമായത്.

11. ശരിയായ ദിശയില്‍ അന്വേഷണം നടന്നാല്‍ ഇത്തരത്തിലുള്ള നേതാക്കാള്‍ മാത്രമല്ല മന്ത്രി വരെ ചോദ്യം ചെയ്യപ്പെടും എന്നു മാത്രമല്ല മന്ത്രി പെട്ടേക്കും എന്ന് ബോധ്യമായപ്പോഴല്ലെ അന്വേഷണം അട്ടിമറിക്കുന്ന നിലയിലേക്കെത്തിയത്.

12. അന്വേഷണം അട്ടിമറിക്കുന്നതിന്റെ തുടക്കമായിരുന്നില്ലെ ജോയ്ന്റ് കമ്മീഷ്ണര്‍ അടക്കമുള്ള കസ്റ്റംസ് ഉദ്യോ?ഗസ്ഥരെ രായ്ക്കു രാമാനം സ്ഥലം മാറ്റിയത്.

13. തുടര്‍ന്ന് അന്വേഷണം തന്നെ ആവിയായിപോയില്ലെ

14. സ്വര്‍ണ്ണം കൊടുത്തയച്ച ആളെ അറിയാവുന്ന അന്വേഷണ ഏജന്‍സി ആ പ്രധാന പ്രതിയെ ഇപ്പോള്‍ എട്ടു മാസമായിട്ടും ചോദ്യം ചോയ്‌തോ.

15. ഇന്ത്യാ മഹാരാജ്യത്തിന്റെ ഒരു അന്വേഷണ ഏജന്‍സിക്ക് ഇത്തരമൊരു കുറ്റവാളിയെ ഇതേവരെ ചോദ്യം ചെയ്യാന്‍ കഴിയാത്തത് നിങ്ങള്‍ക്ക്, അതായത് കേന്ദ്ര ഭരണത്തിന് അതില്‍ താല്‍പര്യമില്ലാത്തത് കൊണ്ടല്ലെ. എന്തേ താല്‍പര്യ കുറവിന് കാരണം.

16. കള്ളക്കടത്തായി വന്ന സ്വര്‍ണ്ണം ഇവിടെയല്ലെ വന്നത്, ഇവിടെ വാങ്ങിയ ആളിലേക്ക് അന്വേഷണം എത്തിയോ.

17. സംഘപരിവാര്‍ ബന്ധമുള്ളവര്‍ അതിലുണ്ട് എന്നത് കൊണ്ടല്ലെ അവരിലേക്ക് അന്വേഷണം എത്തേണ്ടതില്ല എന്ന് കേന്ദ്ര സര്‍ക്കാര്‍ തന്നെ നിലപാടെടുത്തത്.

18. സ്വര്‍ണ്ണം വന്നല്ലോ കള്ളക്കടത്തായിട്ട് ആ സ്വര്‍ണ്ണം കണ്ടുകെട്ടിയോ, സ്വര്‍ണ്ണം എന്താ ആവിയായി പോയോ. നിങ്ങള്‍ക്ക് അത് പിടികൂടാന്‍ മനസ്സില്ല. കാരണം നിങ്ങള്‍ക്ക് വേണ്ടപ്പെട്ടവരുടെ കൈകളിലാണ് അത് എത്തിചേര്‍ന്നത്.

19. നിങ്ങളുടെ അന്വേഷണ ഏജന്‍സി പ്രതിയെ മുഖ്യമന്ത്രിയുടെ പേരു പറയാന്‍ നിര്‍ബന്ധിക്കുന്നു എന്ന ശബ്ദരേഖ പുറത്തു വന്നത് താങ്കളുടെ ശ്രദ്ധയില്‍ ഇല്ലെ

20. താങ്കള്‍ ഉള്‍പ്പെടെയുള്ള ഭരണാധിപന്‍മാരുടെ നിയമവിരുദ്ധ നിര്‍?ദേശങ്ങള്‍ നടപ്പാക്കനല്ലെ അന്വേഷണ ഏജന്‍സിയിലെ ചില ഉദ്യോ?ഗസ്ഥര്‍ ഇത്തരം വിഴിവിട്ട നീക്കം നടത്തിയത്.

21. ഇതുമായി ബന്ധപ്പെട്ട ഒരു പ്രശ്‌നം ഉയര്‍ന്നു വന്നപ്പോള്‍ ശബ്ദരേഖയിലുള്ളത് തന്റെ ശബ്ദമാണെന്ന് ഇതേ പ്രതി ജയ്ല്‍ അധികൃതര്‍ക്ക് സ്വന്തം കൈപ്പടയില്‍ എഴുതിക്കൊടുത്തത് തങ്കള്‍ അറിഞ്ഞിട്ടില്ലെ.

22. സംസ്ഥാന സര്‍ക്കാരിനെതിരെ അന്വേഷണ ഏജന്‍സിയെ തിരിച്ചു വിടാന്‍ അന്വേഷണ ഏജന്‍സികളെ പ്രേരിപ്പിച്ചതാരാണ്.

23. നിങ്ങളുടെ പാര്‍ട്ടിയും കോണ്‍?ഗ്രസും കൂടി കേരളതല സഖ്യമുണ്ടാക്കി എല്‍ഡിഎഫിനെ നേരിട്ടുകളയാമെന്നല്ലെ ചിന്തിക്കുന്നത്.

‘പിണറായി വിജയന്‍ എന്ന റോള്‍മോഡല്‍’ ; ആരെയും അതിശയിപ്പിക്കുന്ന മുഖ്യമന്ത്രിയുടെ വ്യക്തിത്വത്തെക്കുറിച്ച് കെ കെ ശൈലജ പറയുന്നു

‘പിണറായി വിജയന്‍ എന്ന റോള്‍മോഡല്‍’ ; ആരെയും അതിശയിപ്പിക്കുന്ന മുഖ്യമന്ത്രിയുടെ വ്യക്തിത്വത്തെക്കുറിച്ച് കെ കെ ശൈലജ പറയുന്നു

മുഖ്യമന്ത്രി പിണറായി വിജയന്റെ നിശ്ചയദാര്‍ഢ്യവും ഉറച്ച നിലപാടും സമയ നിഷ്ഠയുമെല്ലാം അനുകരണീയമാം വിധം മറ്റുള്ളവര്‍ക്ക് ഏറെ പ്രചോദനം നല്‍കാറുണ്ട്. കൊച്ചുകുട്ടികള്‍ മുതല്‍ മുതിര്‍ന്നവര്‍ വരെ പിണരായി വിജയന്റെ ആരാധകരാണിപ്പോള്‍. പിണറായി അപ്പൂപ്പാ എന്ന് വിളിച്ചുകൊണ്ടുള്ള കൊച്ചുകുട്ടിയുടെ വൈറല്‍ വീഡിയോ മുതല്‍ ഇരട്ടചങ്കാ ഐ ലൈക് യൂ എന്ന വീട്ടമ്മയുടെ പ്രതികരണം വരെ അത് സൂചിപ്പിക്കുന്നു.

ഇപ്പോള്‍ പിണറായി വിജയന്‍ എന്ന തന്റെ റോള്‍മോഡലിനെപ്പറ്റി സ്‌നേഹപൂര്‍വ്വം പറയുകയാണ് ആരോഗ്യമന്ത്രി കെ കെ ശൈലജ. മുഖ്യമന്ത്രി പിണറായി വിജയന്‍ തനിക്കും സമൂഹത്തിനുമടക്കം എങ്ങനെ റോള്‍മോഡലായി എന്ന ആരോഗ്യമന്ത്രിയുടെ വാക്കുകള്‍ ഏവര്‍ക്കും ഏറെ സന്തോഷം നല്‍കുന്ന ഒന്നാണ്. കൈരളി ന്യൂസിലെ പ്രത്യേക തെരഞ്ഞെടുപ്പ് അഭിമുഖമായ ‘എന്തു ചെയ്തു? ‘ എന്ന പരിപാടിയിലാണ് കെ കെ ശൈലജ ഇക്കാര്യം വ്യക്തമാക്കിയത്.

ഒരുപാട് കാര്യങ്ങളില്‍ ഏറ്റവും പ്രധാനപ്പെട്ട ഒരു തീരുമാനം എടുക്കുക എന്നതാണ് പ്രധാനം. ഏതു കാര്യത്തിലും ഒരു തീരുമാനം ഉണ്ടാകണം. എല്ലാ കാര്യത്തിലും ഒരു തീരുമാനം എടുക്കുക അധികം ആളുകള്‍ക്ക് കാണാത്ത ഒരു പ്രത്യേകതയാണ്. അദ്ദേഹത്തിന് ആ കഴിവുണ്ട്. ഞങ്ങളെല്ലാം ഒന്നാഗ്രഹിച്ചുപോകും അങ്ങനെയൊന്ന് തീരുമാനിക്കാന്‍ കഴിഞ്ഞാല്‍ നന്നായിരുന്നു എന്ന്. അത് പകര്‍ത്താനാണ് പ്രയാസം.

ചില പ്രതിസന്ധി ഘട്ടങ്ങള്‍ വരുമ്പോള്‍ ഒരു തീരുമാനം എടുത്തിട്ട് അത് മുഖ്യമന്ത്രിയോട് പറയണമല്ലോ. അപ്പോള്‍ നമ്മള്‍ പെട്ടെന്ന് തന്നെ ഒരു തീരുമാനമെടുക്കാന്‍ പ്രേരിപ്പിക്കപ്പെടുന്നു എന്നുള്ളതാണ് ഏറ്റവും പ്രധാനപ്പെട്ട കാര്യം. അതിന് ഞങ്ങള്‍ക്ക് പ്രചോദനം നല്‍കുന്നത് മുഖ്യമന്ത്രിയാണ്.

രണ്ടാമത് അദ്ദേഹത്തിന്റെ കൃത്യനിഷ്ഠ. എനിക്ക് പലപ്പോഴും പാലിക്കാന്‍ സാധിക്കാത്ത കാര്യമാണ്. സമയനിഷ്ഠ ഞാനേറെ ശ്രമിച്ചിട്ടുണ്ട്. ഒരുപാട് മാറ്റം ഉണ്ടാക്കിയിട്ടുണ്ട്. പത്തുമണി എന്ന് പറഞ്ഞാല്‍ 10:00 തന്നെയാണ്. വളരെ കൃത്യതയോടെ കൂടി ഒരു ദിവസത്തെ കാര്യങ്ങള്‍ പ്ലാന്‍ ചെയ്യുക, ഒരു മാസത്തെ കാര്യങ്ങള്‍ ചെയ്യുക, എന്നത് പ്രധാനപ്പെട്ട കാര്യമാണ്.

മറ്റൊന്ന് എല്ലാ പ്രതിസന്ധിഘട്ടങ്ങളെയും മറികടന്നുകൊണ്ട് കൂടുതല്‍ ചിന്തിക്കുക അല്ലെങ്കില്‍ കൂടുതല്‍ ഭാവനയോടു കൂടി കാര്യങ്ങള്‍ ചെയ്യുക എന്ന മുഖ്യമന്ത്രിയുടെ കഴിവാണ്. ഇവിടെ കേരളത്തില്‍ രണ്ടു മഹാ പ്രളയങ്ങള്‍ വന്നപ്പോള്‍ അറുപതിനായിരം കോടിയിലേറെ നാശനഷ്ടമുണ്ടായി പിന്നെ ഓഖി, നിപ എല്ലാം വേറെ വന്നു അപ്പോള്‍ കേരളം ശരിക്കും വീണു പോയി എന്ന് പലരും ചിന്തിച്ചതാണ്. അപ്പോഴാണ് അദ്ദേഹം ഏറെ ആത്മവിശ്വാസത്തോടുകൂടി പറഞ്ഞത് കേരളം ഞങ്ങള്‍ പുനര്‍നിര്‍മിക്കും.

അല്ലെങ്കില്‍ നമ്മള്‍ പുനര്‍നിര്‍മിക്കും. അത് പഴയതിനെ ഒരു പകര്‍പ്പ് ആയിരിക്കില്ല പുതിയ കേരളമാണ് സൃഷ്ടിക്കുക. എല്ലാ ആളുകള്‍ക്കും അതിന്റെ ഗുണഫലം അനുഭവിക്കാന്‍ സാധിക്കുന്ന ഒരു കേരളം ആയിരിക്കും പുനര്‍ സൃഷ്ടിക്കുക. അങ്ങനെ വളരെ ശക്തമായ ഒരു മാതൃകയായി അദ്ദേഹത്തെ കാണാന്‍ സാധിക്കും.

5 വര്‍ഷം കഴിഞ്ഞ് പിന്തിരിഞ്ഞു നോക്കുമ്പോള്‍ നമുക്ക് കുറെയേറെ കാര്യങ്ങള്‍ ചെയ്യാന്‍ കഴിഞ്ഞു എന്ന് ചാരിതാര്‍ത്ഥ്യമുണ്ട്. അതേസമയം ഇനി ചെയ്യാന്‍ ബാക്കിയുള്ള കാര്യങ്ങളും ഉണ്ട് എന്ന തോന്നലും ഉണ്ട്. അഞ്ചുവര്‍ഷം എന്നുപറയുന്ന കാലയളവില്‍ ആരോഗ്യവകുപ്പില്‍ നമുക്ക് എന്തൊക്കെ മാറ്റങ്ങള്‍ ഉണ്ടാക്കാന്‍ സാധിക്കും. അതിന് ഏറ്റവും നന്നായി സാധിച്ചത് ഞാന്‍ പറയാന്‍ ആഗ്രഹിക്കുന്നത് ഗവണ്‍മെന്റിന്റെ പോളിസി തന്നെയാണ്.

പ്രത്യേകിച്ച് ബഹുമാനപ്പെട്ട മുഖ്യമന്ത്രി അദ്ദേഹത്തിന്റെ കാഴ്ചപ്പാട് ഒരു നവകേരളം കെട്ടിപ്പടുക്കുക, എല്ലാ മനുഷ്യരിലേക്കും വികസനത്തിന് കാഴ്ചപ്പാടുകള്‍ എത്തിക്കുക എന്നുള്ളതാണ്.

മന്ത്രിസഭ അങ്ങനെ തന്നെയാണ്. ഞങ്ങള്‍ മന്ത്രിസഭ അംഗങ്ങള്‍ എല്ലാം അവനവന് കിട്ടിയ വകുപ്പുകള്‍ ഏറ്റവും നന്നായി കൈകാര്യം ചെയ്യാന്‍ ശ്രമിച്ചു. എന്നെ സംബന്ധിച്ചിടത്തോളം ഒരുപാട് പ്രതിസന്ധികള്‍ ഉണ്ടായിട്ടുള്ള കാലഘട്ടമാണ് കഴിഞ്ഞ അഞ്ചുവര്‍ഷം. കാരണം ഗവണ്‍മെന്റിന് പൊതുവായി ഉണ്ടായിട്ടുള്ള പ്രതിസന്ധികള്‍ എല്ലാം കൂടുതല്‍ ബാധിച്ചിട്ടുള്ള വകുപ്പായിരുന്നു ആരോഗ്യവകുപ്പ്.

പക്ഷേ എന്റെ സഹമന്ത്രിമാര്‍ എല്ലാവരും കൂടെ ചേര്‍ന്ന് പ്രശ്‌നം പരിഹരിക്കുന്നതിനു വേണ്ടി വലിയ പിന്തുണ തന്നു. മുഖ്യമന്ത്രിയും ധനകാര്യ വകുപ്പ് മന്ത്രിയും എല്ലാവരും. അതിന്റെയൊക്കെ ഭാഗമായി കുറെ കാര്യങ്ങള്‍ ചെയ്യാന്‍ സാധിച്ചു എന്നത് വസ്തുതയാണ് അടിസ്ഥാനപരമായി കുറേ കാര്യങ്ങള്‍ ചെയ്യാന്‍ സാധിച്ചു എന്നുള്ളത്.

ഈ ഭരണത്തില്‍ ദാരിദ്ര്യം എന്തെന്ന് അറിഞ്ഞിട്ടില്ല; പിണറായിയെ കുറ്റംപറഞ്ഞാല്‍ അടികിട്ടും; വൈറലായി ഒരമ്മയുടെ വാക്കുകള്‍

ഈ ഭരണത്തില്‍ ദാരിദ്ര്യം എന്തെന്ന് അറിഞ്ഞിട്ടില്ല; പിണറായിയെ കുറ്റംപറഞ്ഞാല്‍ അടികിട്ടും; വൈറലായി ഒരമ്മയുടെ വാക്കുകള്‍

മുഖ്യമന്ത്രി പിണറായി വിജയനെയും ഇടതുപക്ഷ സര്‍ക്കാരിന്റെ ഭരണത്തെയും വാനോളമുയര്‍ത്തി 86കാരിയായ ഒരു അമ്മ. ഇനിയും പിണറായി വിജയന്‍ തന്നെ കേരളം ഭരിക്കുമെന്നും എന്റെ മരണം വരെ ഞാന്‍ ഇടതിനേ വോട്ട് ചെയ്യുകയുള്ളൂ എന്നും അമ്മ ഒരു വീഡിയോയിലൂടെ പറയുന്നു.

പിണറായിയെ കുറ്റം പറയുന്നവന്റെ ചെള്ളയ്ക്ക് ഞാന്‍ അടിക്കുമെന്നും പെന്‍ഷന്‍ ഇത്ര കൃത്യതയോടെ തരുന്ന വേറെ തൈങ്കിലും സര്‍ക്കാരുണ്ടോ എന്നും അമ്മ വീഡിയോയിലൂടെ ചോദിക്കുന്നു.

പിണറായിയുടെ ഭരണത്തില്‍ ഞങ്ങള്‍ ദാരിദ്ര്യം എന്താണെന്ന് അറിഞ്ഞിട്ടില്ലെന്നും അടുക്കളയില്‍ ഇഷ്ടം പോലെ സാധനങ്ങളുണ്ടെന്നു അമ്മ പറയുന്നു.

86കാരിയായ അമ്മയുടെ വാക്കുകള്‍:

”പിണറായി വിജയനെക്കുറിച്ച് നല്ല അഭിപ്രായമാണ് എനിക്ക്. എനിക്ക് 86 വയസായി. ഇന്നുവരെ ഇത്രയും നല്ല ഭരണം ഞാന്‍ കണ്ടിട്ടുമില്ല, അനുഭവിച്ചിട്ടുമില്ല. എനിക്ക് ജീവനുള്ള കാലം അദ്ദേഹത്തിന് മാത്രമേ ഞാന്‍ വോട്ട് ചെയ്യുകയുള്ളൂ. പിണറായിയെ കുറ്റം പറയുന്നവന്റെ ചെള്ളയ്ക്ക് ഞാന്‍ അടിക്കും.

പെന്‍ഷന്‍ എത്രയാണെങ്കിലും അത് തികച്ച് ഇങ്ങനെ തരുന്നുണ്ടല്ലോ? മറ്റവരാണെങ്കില്‍ ആറു മാസം കൂടി ചെല്ലുമ്പോള്‍ അരയും മുറിയും തരും. ഈ ഭരണത്തില്‍ ദാരിദ്ര്യമില്ല. അടുക്കളയില്‍ ഇഷ്ടം പോലെ സാധനങ്ങളാണ്. അരിയും സാധനങ്ങളും.

കൊറോണ കാലത്ത് ഒരു മനുഷ്യനും ക്ഷീണമില്ല. ഇതുപോലെ കൊണ്ടു തിന്നിട്ട് അല്ലേ അവര്‍ പിന്നെയും കുറ്റം പറയുന്നത്. ആ മനുഷ്യനെ കുറ്റം പറഞ്ഞാല്‍ ദൈവം പോലും പൊറുക്കില്ല. ഞാന്‍ എപ്പോഴും പ്രാര്‍ത്ഥിക്കുന്നുണ്ട്. ആ മനുഷ്യന്‍ മാത്രം മതി.”

തൃശൂരിൽ അടുക്കളയിലെത്തും 
പ്രകൃതിവാതകം; ആറിടത്ത്‌ സിഎൻജി സ്‌റ്റേഷൻ

തൃശൂരിൽ അടുക്കളയിലെത്തും 
പ്രകൃതിവാതകം; ആറിടത്ത്‌ സിഎൻജി സ്‌റ്റേഷൻ

തൃശൂർ > ഇനി തൃശൂരിന്റെ അടുക്കളകളിലേക്കും കുറഞ്ഞ ചെലവിൽ പ്രകൃതി വാതകമെത്തും. ചൊവ്വന്നൂർ ഗ്രാമത്തിലും കുന്നംകുളം നഗരസഭയിലുമാണ്‌ ജില്ലയിൽ ആദ്യം പ്രകൃതി വാതകം എത്തുക. വിലക്കുറവിനൊപ്പം പ്രകൃതി സൗഹൃദവുമാണ്‌ വാതകം. സ്ഥലം ഏറ്റെടുപ്പുകൾ പൂർത്തീകരിച്ച്‌ പദ്ധതി യാഥാർഥ്യമാക്കാൻ കടമ്പകളേറെയായിരുന്നു. എൽഡിഎഫ്‌ സർക്കാരിന്റെ നിശ്ചയദാർഢ്യത്തിൽ തടസ്സങ്ങളെല്ലാം പരിഹരിച്ചതോടെ വികസനക്കുതിപ്പിൽ നാഴികക്കല്ലായി. കൊച്ചി –മംഗലാപുരം പൈപ്പ്‌ലൈൻ കമീഷൻ ചെയ്‌തതോടെ പ്രകൃതിവാതകം ജില്ലയിലെ പ്രധാന ലൈനിലൂടെയും‌ കടന്നുപോയിത്തുടങ്ങി. ഈ ലൈനിൽനിന്ന്‌ പ്രത്യേക സ്‌റ്റേഷനുകളിലേക്കും തുടർന്ന്‌ വീടുകളിലേക്കും വാതകം എത്തിക്കുന്നതിനുള്ള പൈപ്പ്‌ ലൈനിടൽ പൂരോഗമിക്കുകയാണ്‌. മാളയിലെ മടത്തുംപടിമുതൽ ചാലിശേരിവരെ ജില്ലയിൽ 31 വില്ലേജുകളിലൂടെയാണ്‌ ഗെയിൽ പൈപ്പ് ലൈൻ കടന്നുപോവുന്നത്‌‌. പൂമംഗലം, കാറളം, അന്നകര, ചൊവ്വന്നൂർ എന്നിവിടങ്ങളിൽ സബ്സ്റ്റേഷനുകളുടെ നിർമാണവും പൂർത്തീകരിച്ചു.  വീടുകളിലേക്കുള്ള വിതരണത്തിന്‌ പൈപ്പ്‌ലൈൻ ജോലി അദാനി ഗ്രൂപ്പിനെയാണ് പെട്രോളിയം മന്ത്രാലയത്തിനു കീഴിലുള്ള പിഎൻജിആർ ബോർഡ് ഏൽപ്പിച്ചിട്ടുള്ളത്‌. ആദ്യഘട്ടമായി  ചൊവ്വന്നൂരിൽ സിറ്റി ഗ്യാസ്‌ സ്‌റ്റേഷൻ നിർമാണം പുരോഗമിക്കുകയാണ്‌. ചൊവ്വന്നൂർമുതൽ ഗുരുവായൂർവരെയും കടവല്ലൂർമുതൽ കൈപ്പറമ്പുവരെയും പൈപ്പ്‌ലൈനിടൽ പൂർത്തിയായതായി അധികൃതർ പറഞ്ഞു. കുന്നംകുളം നഗരസഭയിലെയും ചൊവ്വന്നൂർ പഞ്ചായത്തിലേയും വീടുകളിൽ ജൂൺ മാസത്തോടെ വാതകം എത്തിക്കാനാവും. തുടർന്ന്‌ ഗുരുവായൂർ, ചാവക്കാട്‌ നഗരസഭയിലേക്കും കോർപറേഷനിലേക്കും എത്തിക്കും. ഇതോടൊപ്പം ജില്ലയിൽ ആറിടത്ത്‌ സിഎൻജി സ്‌റ്റേഷനുകളും തുറന്നിട്ടുണ്ട്‌.5751 കോടി രൂപ ചെലവിലാണ്‌ ഗെയിൽ പദ്ധതി പൂർത്തീകരിച്ചത്‌. 510 കിലോമീറ്ററാണ്‌ പൈപ്പ്‌ലൈൻ കേരളത്തിലൂടെ കടന്നുപോവുന്നത്‌. ഇതിൽ 470 കിലോമീറ്ററും പിണറായി സർക്കാരിന്റെ കാലത്താണ്‌ സ്ഥാപിച്ചത്‌. മതിയായ നഷ്ടപരിഹാരം ഉറപ്പാക്കി ജനങ്ങളുടെ ആശങ്ക പരിഹരിച്ചാണ് സർക്കാർ മുന്നോട്ടുപോയത്.

ഉറപ്പോടെ പാലാരിവട്ടം: പുനര്‍നിര്‍മിച്ച പാലം നാടിന് സമര്‍പ്പിച്ചു

ഉറപ്പോടെ പാലാരിവട്ടം: പുനര്‍നിര്‍മിച്ച പാലം നാടിന് സമര്‍പ്പിച്ചു

കൊച്ചി: പുനര്‍നിര്‍മിച്ച പാലാരിവട്ടം പാലം ഗതാഗതത്തിന് തുറന്നുകൊടുത്തു. തകരാറിലായ പാലത്തില്‍ ചെന്നൈ ഐഐടി റിപ്പോര്‍ട്ടിന്റെ അടിസ്ഥാനത്തില്‍ 2019 മേയ് 1 മുതല്‍ ഗതാഗതം നിര്‍ത്തിവച്ചിരിക്കുകയായിരുന്നു.തിരഞ്ഞെടുപ്പു പെരുമാറ്റ ചട്ടം നിലനില്‍ക്കുന്നതിനാല്‍ വൈകിട്ട് 4ന് ദേശീയപാത വിഭാഗം ചീഫ് എന്‍ജിനീയറാണ് പാലം തുറന്നു നല്‍കിയത്. നേരത്തേ മന്ത്രി ജി.സുധാകരനും ഉന്നത ഉദ്യോഗസ്ഥരും പാലം സന്ദര്‍ശിച്ചിരുന്നു.

തകരാറിലായ ഗര്‍ഡറുകളും പിയര്‍ ക്യാമ്പുകളും പൊളിച്ചു പുതിയവ നിര്‍മിച്ചു. തൂണുകള്‍ ബലപ്പെടുത്തി. റെക്കോര്‍ഡ് സമയം കൊണ്ടാണു പാലം പുനര്‍നിര്‍മാണം പൂര്‍ത്തിയായത്. 100 വര്‍ഷത്തെ ഈട് ഉറപ്പാക്കിയാണു പാലം ഗതാഗതത്തിനു തുറന്നു നല്‍കുന്നതെന്നു മന്ത്രി ജി.സുധാകരന്‍ പറഞ്ഞു. 5 മാസവും 10 ദിവസവുമെടുത്താണ് ഡിഎംആര്‍സിയും ഊരാളുങ്കല്‍ ലേബര്‍ സൊസൈറ്റിയും ചേര്‍ന്ന് പാലം പുനര്‍നിര്‍മ്മിച്ചത്.